OH, 又好耐無打日記 lu
發現自己愈黎愈無記性.. 好多野都 load 唔到, 攪到成日俾老公鬧!!
陰公在連幾時同老公一齊都唔記得.. 又無 mark down.. shit ~ shit !!

19/12 八點幾起左身.. 8點九出門口...
咦!! 九點五已經到左上水, 仲諗住自己會遲添 ~~
是日任務: 到深圳作環境視察及調研
同行人士: 何經理. 瞿經理. 傑. 珮雯

第一站: 國貿站金光華廣場

1. 陶源鮑魚世家 - 飲早茶
    五個人叫點心.. 總消費約 $180 (樣樣都好好食!!)
    重點推介: 燕麥金沙湯圓

2. 國貿站金光華廣場 - 環境視察

(打的 $13個幾)

第二站: 古玩城 - 環境視察
(好似死城同鬼屋.. 一個人都無.. 好大.. 謀人寺咁囉!!
 一定要好識貨先可以系唔知幾多百間商店裡面既
 唔知幾多千萬件貨中搵到真貨靚貨!!)

(打的 $22個幾)

第三站: 藝展中心一期.二期 - 環境視察
(好多得意既精品.. 屋企裝修一定要黎掃貨!!)

~~ 已經三點 ~~
(打的 $18個幾)

第四站: 科學館站中信廣場

1. 鼎泰豐 - 唔知叫午飯定下午茶
    五個人叫點心.. 總消費 $201 (樣樣都好好食!!)
    我一向唔食青瓜的.. 都愛上左個青瓜的涼菜!!
    叫左好多好多餃呀.. 鍋貼呀之類的.. 好味!!

2. 科學館站中信廣場  - 環境視察

(任務完成, 可以解散)
但係大家一齊去左科學館站既購書中心.. 五層樓高..
ok 大喎.. 好似大眾咁.. 好整齊, 幾好行架!!
買左兩本織織既書.. 共$42 RMB.. 同珮雯一齊走

8點前滾到去CWB 既 park lane hotel.. jason (俊傑) 結婚
佢係我阿爺既堂細佬個仔.. 即係我堂叔啦
佢地兩個孖仔都係 firemen.. 超高超有型的..
丫.. 咁佢阿哥個仔, 即係我邊個呢? 點稱呼呢?

park lane.. 27/f.. 高就夠高.. 不過個場完全唔掂喎
stage 兩邊既 tables 係 exactly 系正 stage 隔離.. 睇唔到個 stage 做緊乜架喎
今次佢地無用 wedding planner.. 個 run-down pretty bad..
斷開晒既.. 阿爺又話 d 食食唔得.. 即係.................................. forget it..

臨走二嬸隨手系台面拎起左個花球
塞左俾我, 叫我拎下個花球喎.. 我知喇, 要我做 d 嫁得出丫嘛, 唉
到時自有分曉啦.. 心急唔黎.. 大家冷靜 d 啦 ~~